Theirs is the kingdom of heaven Այսպիսիններինն է երկնքի արքայությունը: января 2011

«Ո՞րն է քո նպատակը երեխաներին Քրիստոսին առաջնորդելու մեջ, և ի՞նչ ես ցանկանում երեխաներին», այս հարցին հոգևոր առաջնորդները պատասխանեցին այսպես`

- Իմ նպատակն է, որ նրանք ճանաչեն Քրիստոսին, որպես Կենդանի Աստված և ապրեն սուրբ կյանքով:

Ցանկանում եմ, որ երեխաները ժառանգեն երկնքի արքայությունն ու ապրեն Աստծո հետ հավիտյան:

Արմինե Մալյան

-Որ ճանաչեն Քրիստոսին և ապրեն Նրա կամքի համաձայն, որպեսզի փրկություն ունենան:

Ցանկանում եմ, որ նրանք ապրեն Աստծո համար:

Վլադիմիր Զաքարյան

- Միակ նպատակս է երեխաներին ցույց տալ և հասկացնել Աստծո անսահման նվիրական Սերը, որ նրանք լինեն հավիտենության մեջ` Հիսուսի հետ:

Բոլոր երեխաներին ցանկանում եմ, Աստծո ուրախությունը.

Սիրելի՛ երեխաներ, ձեր մանկությունը անցկացրեք Հիսուսի հետ, քանի որ Նա ձեզ շատ-շատ է սիրում, և իմացե՛ք, որ Նա միշտ ձեզ հետ է և երբեք ու երբեք ձեզ չի թողնի:

Սառա Թադևոսյան

- Որ ամեն մանկան կարողանամ տալ այն գիտությունը, որն Աստված տվել է ինձ` մանուկներին դեպի Աստված առաջնորդելու: Որ իմանան, որ կա մեկը, որը իրենց համար Իր Կյանքն է տվել և փրկություն պատրաստել ամենքի համար:

Ցանկանում եմ, որ նրանք միշտ ձգտեն նմանվել մեր Տեր Հիսուս Քրիստոսին, և իրենց հետագա կյանքում միշտ մնան Տիրոջ Խոսքի մեջ և լինեն Աստծուն հաճելի զավակներ:

Սիմոն Պողոսյան

- Լինելով քրիստոնյա, մենք պատվեր ունենք Աստծո կողմից` դեպի Քրիստոս առաջնորդելու մարդկանց: Եվ ես էլ կատարում եմ այդ պատվերը:

Ցանկանում եմ` հետևողական լինեն իրենց հավատքին, որպեսզի տեսնելով իրենց հավատքի պտուղները, ուրախանանք:

Ռեբեկա Թադևոսյան

-Որ երեխաները ճանաչեն Աստծուն, Նրա գործած մեծ գործերը, շատ մեծ Սերը` մարդկության հանդեպ և ընդունեն Քրիստոսին` Աստծո Որդուն, որպես Տեր ու Փրկիչ և Սուրբ Հոգու զորությամբ աճեն հոգևոր կյանքում, որպեսզի երկրի վրա պիտանի զավակներ լինեն Աստծո մեծ փրկագործության համար:

Ցանկանում եմ, որ ամեն ժամանակ Սուրբ Գիրք կարդան և աղոթք անեն:

Մանվել Նավասարդյան

- Նպատակս է, որ երեխաները ճանաչեն Հիսուսին, քայլեն Հիսուսի հետքերով և ապրեն միայն Նրա համար: Որովհետև միայն Հիսուսի մեջ նրանք կարող են գտնել ուրախություն, խաղաղություն և ամենակարևորը` Հավիտենական Կյանք Երկնքում...

Սիրում եմ երեխաներին և ցանկանում, որ նրանք ամեն վայրկյան վայելեն Հիսուսի ներկայության ուրախությունը:

Գայանե Թադևոսյան

- Իմ նպատակն է երեխաներին ցույց տալ փրկության ճանապարհը, օգնել, որ հասկանան հոգևոր կյանքի իմաստը, ճանաչեն Հիսուսի Սերը և բռնեն փրկության ճանապարհը:

Ցանկանում եմ ավելի մոտիկից ճանաչեն Հիսուսին: Հաճախեն Եկեղեցի, Սուրբ Գիրք կարդան ու աղոթեն:

Էլյա Թադևոսյան

Ինչպես ամեն տարի, այս տարի նույնպես մեծ ուրախությամբ և խանդավառությամբ նշեցինք մեր Տեր Հիսուս Քրիստոսի Ծննդյան օրը: Հունվարի 6-ին և 7-ին մոտ 200 երեխաներ ուրախությամբ այցելեցին Եկեղեցի` նշելու Հիսուս Քրիստոսի ծննդյան օրը: Նրանք դիտեցին <<Ուրախ ծաղրածու>> բեմադրությունը, լսեցին Սուրբ ծննդյան երգեր, նրանցից ոմանք Աստծուց իրենց տրված շնորհքները ցուցաբերեցին, որի ընթացքում նրանց այցելեցին վագռը, նապաստակն ու գայլը: Միջոցառման վերջում նրանք ստացան Հիսուսի ուղարկած նվերները և բարձր տրամադրությամբ վերադարձան տուն:
Թող այս տարի Հիսուսը ծնվի բոլոր նրանց սրտերում, ում սրտում դեռ չի ծնվել...

Հայկական քրիստոնեական կատալոգ

четверг, 20 января 2011 г.

среда, 19 января 2011 г.

вторник, 18 января 2011 г.

воскресенье, 16 января 2011 г.

Обо мне

четверг, 20 января 2011 г.

среда, 19 января 2011 г.

вторник, 18 января 2011 г.

воскресенье, 16 января 2011 г.